14232 یزید بن ابی حبیب سے مروی ہے کہ جب حضرت عمرو بن العاص (رض) نے اسکندریہ کو فتح فرمالیا تو وہاں کے گھروں اور عمارتوں کو خالی پایا۔ آپ (رض) کا ارادہ بنا کہ ان میں رہائش اختیار کرلیں اور فرمایا : یہ رہائشیں ہم نے کما کر حاصل کی ہیں۔ چنانچہ انھوں نے حضرت عمر بن خطاب (رض) کو اس کے متعلق لکھ کر اجازت چاہی۔
حضرت عمر (رض) نے (خط پڑھ کر) قاصد سے پوچھا : کیا میرے (مدینے) اور وہاں کے مسلمانوں کے درمیان (دریاوسمندر کا) پانی حائل ہے کیا ؟ اس نے عرض کیا : جی ہاں، امیر المومنین ! دریائے نیل جب وہ چلتا ہے۔ چنانچہ حضرت عمر (رض) نے حضرت عمرو (رض) کو لکھا میں نہیں چاہتا کہ تم مسلمانوں کو ایسی جگہ رہائش دو کہ اس جگہ اور میرے درمیان پانی رکاوٹ ہو گرمی میں اور نہ سردی میں۔ چنانچہ حضرت عمرو (رض) اسکندریہ سے منتقل ہو کر فسطاط آگئے۔ ابن عبدالحکم