14234 ابوتمیم الجیشانی سے مروی ہے کہ حضرت عمروبن العاص (رض) نے حضرت عمر بن خطاب (رض) کو لکھا کہ اللہ تعالیٰ نے ہم پر طرابلس کو فتح فرمادیا ہے اور طرابلس اور افریقہ کے درمیان محض نودن کے مسافت ہے۔ اگر امیر المومنین فرمائیں تو ہم افریقہ کا غزوہ کریں ؟ چنانچہ حضرت عمر (رض) نے ان کو لکھا :
نہیں، کیونکہ وہ افریقہ نہیں ہے بلکہ مفرقۃ (ہم سے تم کو جدا کرنے والا) ہے، وہ غدر کرنے والا (دھوکہ دہ) علاقہ ہے، کوئی بھی اس کے دھوکے میں پڑجاتا ہے۔ لہٰذا جب تک میں حیات ہوں کوئی وہاں غزوہ نہ کرے (کیونکہ اس کے اور عرب کے درمیان سمندر حائل ہے اور حضرت عمر (رض)) سمندر کے سفر سے کتراتے تھے۔ ابن سعد، ابن عبدالحکم