14249 مسور بن مخرمہ سے مروی ہے کہ حضرت عمر بن خطاب (رض) تندرست تھے، اس وقت ان سے سوال کیا جاتا تھا کہ وہ اپنے بعد کے لیے کسی کو خلیفہ نامزد کرجائیں۔ مگر وہ انکار فرما دیتے ۔ ایک دن منبر پر چڑھے اور چند کلمات ارشاد فرمائے فرمایا : اگر میں مرجاؤں تو تمہارا منصب ان چھ افراد کے درمیان رہے گا جن سے رسول اللہ (صلی اللہ علیہ وآلہ وسلم) جدا ہوتے وقت راضی تھے۔ علی ابن ابی طالب جن کی نظیر (ساتھی) زبیر بن العوام ہیں، عبدالرحمن بن عوف جس کے نظیر عثمان بن عفان ہیں اور طلحہ بن عبیداللہ جن کی نظیر سعد بن مالک ہیں۔ سنو ! میں تم کو فیصلہ کے وقت اللہ کے تقویٰ کی اور تقسیم کے وقت عدل و انصاف کی وصیت کرتا ہوں۔ ابن سعد