14255 ابن عباس (رض) سے مروی ہے کہ میں نے حضرت عمر (رض) کی ایسی خدمت کی کہ ان کے کسی گھر والے نے بھی ایسی خدمت نہ کی ہوگی اور میں نے ان کے ساتھ ایسا آمیز رویہ رکھا کہ ان کے کسی گھر والے نے بھی ایسا پر لطف رویہ ان کے ساتھ نہ رکھا ہوگا۔ ایک دن میں ان کے ساتھ ان کے گھر میں تنہا تھا آپ (رض) بھی مجھے بٹھا لیتے تھے اور میرا اکرم کرتے تھے ۔ اس دن آپ نے ایسی چیخ ماری میں ڈر گیا کہیں آپ کی روح تو قفس عنصری سے پرواز نہیں کرگئی۔ میں نے پوچھا : کوئی تکلیف لاحق ہوئی ہے کیا امیر المومنین ! فرمایا : ہاں کوئی تکلیف ہے۔ میں نے پوچھا : وہ کیا ؟ فرمایا : تم قریب ہوجاؤ۔ میں قریب ہوگیا تب آپ (رض) نے یہ فرمایا کہ میں اس منصب خلافت کے لیے کسی شخص کو موزوں نہیں پاتا۔ میں نے عرض کیا : آپ فلاں، فلاں، فلاں، فلاں، فلاں، فلاں کو کیوں بھول رہے ہیں ؟ ابن عباس (رض) نے چھ اہل شوریٰ کے نام لیے تو حضرت عمر (رض) نے ہر ایک کے جواب میں ارشاد فرماتے رہے : اس منصب پر صرف قوی ہی درست ہے جو بغیر سختی کیے (امور حکومت چلا سکے) اس منصب کے لیے نرم مزاج چاہیے جو بغیر کسی کمزوری کے نرم ہو، اس منصب کے لیے بغیر فضول خرچی کیے سخاوت کرنے والا چاہیے اور اس منصب کے لیے بخل کے علاوہ (مہمات کے لیے مال) روکنے والا چاہیے۔ ابن سعد