14264 مسور بن مخرمۃ سے مروی ہے کہ حضرت عمر (رض) نے عبدالرحمن بن عوف کو بلایا اور فرمایا : میں چاہتا ہوں کہ میں تم سے ایک معاہدہ کروں۔ عبدالرحمن (رض) نے عرض کیا : ٹھیک ہے ، یا امیر المومنین ! اگر آپ مجھے اشارہ کریں گے تو میں قبول کروں گا۔ حضرت عمر (رض) نے پوچھا : تمہارا کیا ارادہ ہے ؟ عبدالرحمن نے عرض کیا : میں آپ سے پوچھتا ہوں خدارا ! کیا آپ مجھے بتانا پسند کریں گے (کہ کس کو خلیفہ بنایا جارہا ہے ؟ ) حضرت عمر (رض) نے فرمایا : ہرگز نہیں۔ حضرت عبدالرحمن نے عرض کیا : اللہ کی قسم ! میں اس مسئلے میں ہرگز داخل نہیں ہوں گا۔ میں آپ کو اللہ کا واسطہ دیتا ہوں کہ مجھے بتائیے ؟ فرمایا : نہیں۔ عرض کیا : واللہ ! میں اس میں ہرگز داخل نہیں ہوں گا۔ حضرت عمر (رض) نے فرمایا : پھر تم مجھے چپ رہنے کا عہد دو جب تک کہ میں ان لوگوں سے عہد نہ کرلوں جن سے نبی اکرم (صلی اللہ علیہ وآلہ وسلم) عنداوفات راضی ہو کر گئے ہیں۔ تم مجھے علی ، عثمان، زبیر اور سعد کو بلادو، نیز فرمایا اور اپنے بھائی طلحہ کا انتظار کرنا اگر وہ (سفر سے) آجائے تو ان کو شامل کرلینا ورنہ اپنا کام پورا کرلینا۔
ابن جریر