14289 زینب بنت المہاجر سے مروی ہے، فرماتی ہیں : میں حج کے ارادے سے نکلی، میرے ساتھ ایک دوسری عورت بھی تھی۔ میں نے اپنے لیے ایک خیمہ کھڑا کرلیا اور نذر مان لی کہ میں کسی سے بات نہیں کروں گی۔ پھر ایک آدمی آیا اور اس نے خیمے کے دروازے پر کھڑے ہو کر السلام علیکم کہا۔ اس کے سلام کا جواب میری ساتھی نے دیا۔ آدمی نے اس سے پوچھا : کیا بات ہے تیری ساتھی جواب کیوں نہیں دیتی۔ اس نے نذر مانی ہے کہ کسی سے بات نہیں کرے گی۔ پھر آدمی نے (مجھے مخاطب ہو کر) کہا : بات کر، کیونکہ یہ تو جاہلیت کا عمل ہے۔ زینب کہتی ہیں : تب میں بولی پڑی اور میں نے پوچھا : آپ کون ہیں، اللہ آپ پر رحم کرے۔ آدمی نے جواب دیا : مہاجرین کا آدمی ہوں ۔ میں نے پوچھا : کون سے مہاجرین میں سے ؟ آدمی نے کہا : قریش میں سے۔ میں نے پوچھا : کون سے پر یش میں سے ؟ تب اس آدمی نے کہا : تم بہت سوال کرتی ہو، میں ابوبکر ہوں۔ میں نے عرض کیا : اے خلیفہ رسول اللہ ! ہم (مسلمان) جاہلیت کے زمانے سے ابھی نکلے ہی ہیں ہمارے لوگ ایک دوسرے پر کم ہی اعتماد کرتے ہیں اب اللہ پاک امن وامان لے آیا ہے جو آپ دیکھ رہے ہیں۔ یہ حالات ہمارے ساتھ کب تک رہیں گے ؟ ارشاد فرمایا : جب تک تمہارے ائمہ درست رہیں۔ میں نے پوچھا : ائمہ کون ہیں ؟ آپ (رض) نے پوچھا : کیا تیری قوم میں ایسے سردار نہیں ہیں جن کی اطاعت کی جاتی ہے ؟ میں نے عرض کیا : کیوں نہیں ضرور ہیں۔ ارشاد فرمایا : پس وہی (ائمہ ہیں) ۔ ابن سعد