14292 اسماعیل بن عبیداللہ بن سعید بن ابی مریم عن ابیہ عن جدہ کی سند سے مروی ہے ابومریم کہتے ہیں کہ مجھے خبر ملی ہے کہ جب حضرت ابوبکر (رض) کو خلیفہ بنایا گیا تو وہ منبر پر چڑھے ، اللہ کی حمدوثناء بیان کی پھر ارشاد فرمایا :
اللہ کی قسم ! اگر یہ خطرہ مجھے درپیش نہ ہوتا کہ تمہارے معاملات حکومت درہم برہم ہوجائیں گے خواہ ہم موجود ہوں تو میں یہ بات پسند کرتا کہ سلطنت کی باگ ڈور اس شخص کے سپرد کردیتا جو تم میں سے مجھے سب سے زیادہ ناپسند ہوتا پھر اس کے لیے کوئی بھلائی نہ ہوتی۔ یاد رکھو ! لوگوں میں سب سے بدبخت دنیا میں بھی اور آخرت میں بھی بادشاہ ہوں گے۔ یہ سن کا حاضرین خطبہ نے تعجب سے اپنی گردنیں حضرت ابوبکر (رض) کی طرف اٹھائیں۔ حضرت ابوبکر (رض) نے ارشاد فرمایا : پرسکون رہو، پرسکون رہو۔ تم لوگ جلد باز ہو۔ کوئی بادشاہ کسی سلطنت پر براجمان نہیں ہوتا مگر اللہ پاک کو اس کی سلطنت پر بیٹھنے سے قبل اس کی بادشاہی اور سلطنت کی خبر ہوتی ہے اور پھر اللہ پاک اس کی عمر کو نصف کم کردیتا ہے۔ اور پھر اس پر رائج وغم مسلط فرما دیتا ہے۔ جو اس کی ملکیت اور ہاتھوں میں زبر تصرف ہے اس سے اس کو بےرغبت کردیتا ہے جبکہ جو لوگوں کے مال میں ہے اس کی اس کے اندر طمع لالچ پیدا کردیتا ہے، پھر اس کی معیشت زندگی تنگ ہوجائے گی خواہ وہ عمدہ عمدہ کھانے کھائے، اعلیٰ پوشاک زیب تن کرے حتیٰ کہ پھر جب اس کا سایہ جھک جائے گا، اس کی روح نکل جائے گی اور وہ اپنے رب کے سامنے حاضر ہوگا تب اس کا پروردگار اس سے سخت حساب لے گا اور اس کی مغفرت کے مواقع کم رہ جائیں گے ۔ پس خبردار سن لو مساکین ہی بخشے بخشائے لوگ ہیں۔
ابن زنجویہ فی کتاب الاموال