14300 محمود بن خالد سے مروی ہے کہ ہمیں سوید بن عبدالعزیز نے بیان کیا، ان کو ابوالحکم سیار نے بیان کیا وہ ابو وائل سے روایت کرتے ہیں کہ :
حضرت عمر بن خطاب (رض) نے بشر بن عاصم (رض) کو ھوازن کے صدقات (اموال زکوۃ ) کی وصولی پر مرر کردیا بشر پیچھے رہ گئے ۔ حضرت عمر (رض) نے جاکر ان سے ملاقات کی اور پوچھا : تم پیچھے کیوں رہ گئے ؟ کیا تم پر ہماری بات سننا اور اس کی اطاعت بجا لانا واجب نہیں ہے کیا ؟ بشر نے عرض کیا : کیوں نہیں، لیکن میں نے رسول اکرم (صلی اللہ علیہ وآلہ وسلم) کو ارشاد فرماتے ہوئے سنا ہے :
جو شخص مسلمانوں کے امور (مملکت) میں سے کسی چیز کا والی بنا اس کو قیامت کے دن جہنم کے پاس پر کھڑا کردیا جائے گا اگر وہ اچھائی برتنے والا ہوا تو نجات پاجائے گا اور اگر وہ برائی اختیار کرنے والا ہوا تو پل اس کے نیچے سے شق جائے گا اور وہ اس جہنم میں ستر سال کی گہرائی تک گرتا رہے گا۔
بشر کی بات سن کر حضرت عمر (رض) بذات خود رنجیدہ اور غمزدہ ہوگئے اور واپس لوٹ آئے۔ حضرت ابوذر (رض) کی ان سے ملاقات ہوئی۔ حضرت ابوذر (رض) نے حضرت عمر (رض) سے پوچھا : کیا بات ہے میں آپ کو رنجیدہ اور غمزدہ حالت میں دیکھ رہا ہوں ؟ حضرت عمر (رض) نے فرمایا : میں کیوں نہ رنجیدہ وغمزدہ ہوں حا الن کہ میں نے بشر بن عاصم سے سنا ہے وہ رسول اکرم (صلی اللہ علیہ وآلہ وسلم) کی حدیث روایت کرتے ہیں کہ :
جو شخص مسلمانوں کے امور (مملکت) میں سے کسی چیز کا والی بنا اس کو قیامت کے روز جہنم کے پل پر کھڑا کردیا جائے گا اگر وہ اچھائی کرنے والا ہوا تو نجات پاجائے گا اور اگر وہ برائی اختیار کرنے والا ہوا تو پل اس کے نیچے سے شق ہوجائے گا اور وہ اس میں ستر سال کی گہرائی تک گرتا رہے گا۔
حضرت ابوذر (رض) نے عرض کیا : کیا آپ نے یہ حدیث رسول اللہ (صلی اللہ علیہ وآلہ وسلم) سے نہیں سنی ؟ حضرت عمر (رض) نے فرمایا : نہیں۔ حضرت ابوذر (رض) نے عرض کیا : میں شہادت دیتا ہوں کہ میں نے رسول اکرم (صلی اللہ علیہ وآلہ وسلم) کو ارشاد فرماتے ہوئے سنا ہے :
جو لوگوں میں سے کسی ایک شخص کا بھی والی بنا اس کو قیامت کے دن لایا جائے گا اور جہنم کے پل پر کھڑا کردیا جائے گا اگر وہ اچھائی کرنے والا ہوا تو نجات پاجائے گا اور اگر وہ برائی اختیار کرنے والا ہوا تو پل شق ہوجائے گا اور وہ جہنم میں ستر سال کی گہرائی تک جاگرے گا اور وہ جہنم سیاہ تاریک ہے۔
پھر حضرت ابوذر (رض) نے حضرت عمر (رض) سے پوچھا : دونوں حدیثوں میں سے کونسی حدیث نے آپ کے دل کو زیادہ تکلیف دی ہے ؟ حضرت عمر (رض) نے فرمایا : دونوں ہی نے میرے دل کی تکلیف میں ڈال دیا ہے۔ لیکن پھر حکومت کون قبول کرے گا ؟ جبکہ اس میں اس قدر شختی ہے ؟ حضرت ابوذر (رض) نے عرض کیا :
وہ شخص جس کی ناک اللہ نے کاٹ دی ہو اور اس کا رخسار زمین سے ملا دیا ہو۔ بہرحال ہم (آپ کے متعلق) خیر کے سوا کچھ نہیں جانتے لیکن قریب ہے کہ آپ اگر کسی ایسے شخص کو والی بنائیں جو حکومت میں عدل نہ کرسکے تو وہ اس کے درد ناک عذاب سے نہیں نجات پاسکے گا۔
البغوی، الجامع لعبد الرزاق، ابونعیم، ابوسعید النقاش فی کتاب القضاۃ فی المتفق
کلام : سوید بن عبدالعزیز متروک (ناقابل اعتبار) راوی ہے لیکن یہ حدیث دوسری سندوں سے بھی مروی ہے جو مسند بشر کے ذیل میں آرہی ہے۔