١٤٣١۔۔ شرحبیل بن مسلم الخولانی سے مروی ہے کہ اسود بن قیس بن ذمی الخمار نے یمن میں نبوت کا دعوت کیا۔ پھر اس نے ابی مسلم الخولانی کو پیغام بھیجا۔ وہ اس کے پاس پہنچے تواسود نے ان سے پوچھا کیا تم میرے رسول اللہ ہونے کی شہادت دیتے ہو ؟ ابومسلم الخولانی نے فرمایا نے سنا نہیں کہ تم کیا کہہ رہے ہو ؟ اسود نے کہا کیا تم محمد کے رسول اللہ ہونے کی شہادت دیتے ہو ؟ ابومسلم نے فرمایا بالکل اس پر اسود نے آگ بھڑکانے کا حکم دیا اور پھر ابومسلم کو اس میں ڈال دیا گیا۔ لیکن آگ ان پر کچھ بھی اثر انداز نہ ہوسکی۔ اسود بن قیس کو کسی نے مشورہ دیا کہ اگر تم اس شخص کو اپنے ہاں سے نہ نکالوگے تو یہ تمہارے پیروکاروں کو بھی تم سے گمراہ کردے گا۔ تواسود نے ان کے نکلنے کا حکم دے دیا، یہ مدینہ تشریف لائے اس وقت آپ کی وفات ہوچکی تھی اور حضرت ابوبکر کو خلافت کی ذمہ داری سونپ دی گئی تھی ابومسلم نے اپنی سواری کو مسجد کے دروازے پر بٹھایا، اور اتر کر مسجد کے ستون کے عقب میں نماز ادا کرنے کھڑے ہوگئے۔ حضرت عمر بن خطاب کی نظر ان پر پڑگئی حضرت عمر اٹھ کر ان کی طرف آئے اور دریافت کیا کہ کس علاقے کے باشندے ہو ؟ ابومسلم نے کہا اہل یمن سے تعلق ہے حضرت عمر نے دریافت کیا اس شخص کا کیا ہوا جس کو کذا ب اسود نے نذر آتش کردیا تھا عرض کیا وہ عبداللہ بن ثوب ہے حضرت عمر (رض) نے فرمایا میں تمہیں اللہ کا واسطہ دیتاہوں کیا تم وہی شخص ہو ؟ عرض کیا اللہ کا فضل ہے ہاں میں وہی شخص ہوں حضرت عمر (رض) ان سے لپٹ پڑے اور رو دیے پھر ان کو لے کر حضرت ابوبکر کے پاس پہنچے اور اپنے اور حضرت ابوبکر کے درمیان ان کو بٹھالیا۔ فرمایا تمام تعریفیں اللہ کے لیے جس نے مجھے موت سے قبل امت محمدیہ میں وہ شخص دکھایا جس کے ساتھ ابراہیم خلیل اللہ کا ساسلوک ہوا لیکن آگ اس کو گزند نہ پہنچا سکی۔ ابن عساکر۔