14311 شعبی (رح) سے مروی ہے کہ حضرت عمر بن خطاب (رض) نے فرمایا : مجھے ایسا کوئی شخص بتاؤ جس کو میں مسلمانوں کے ایک اہم معاملے پر عامل بناسکوں۔ لوگوں نے حضرت عبدالرحمن بن عوف (رض) کا نام لیا۔ آپ (رض) نے فرمایا : وہ تو کمزور (بوڑھے) ہوگئے ہیں۔ لوگوں نے کسی اور شخص کا نام لیا۔ آپ (رض) نے فرمایا : مجھے اس شخص کی کوئی حاجت نہیں ہے۔ لوگوں نے پوچھا : آخر آپ کس کو چاہتے ہیں ؟ آپ (رض) نے فرمایا : ایسا شخص جو لوگوں کا امیر بنے تو انہی میں سے ایک فرد نظر آئے اور جب وہ امیر نہ ہو تو ان کا امیر محسوس ہوتا ہو ۔ لوگوں نے عرض کیا : ایسا شخص ہم صرف ربیع بن زیاد الحارثی کو جانتے ہیں۔ حضرت عمر (رض) نے ارشاد فرمایا : تم نے سچ کہا۔ الحاکم فی الکنی