14335 عبداللہ بن علیم سے مروی ہے کہ حضرت عمر بن خطاب (رض) نے ارشاد فرمایا : اللہ کے نزدیک حاکم کی بردباری اور نرمی سے زیادہ کسی کی بردباری محبوب نہیں حاکم کی جہالت اور حماقت سے بڑھ کر کسی کی جہالت اللہ کو مبغوض نہیں ۔ اور جو اپنے ظاہری احکام میں عفو ودگزر سے کام لیتا ہے اس کو عافیت نصیب ہوتی ہے، جو اپنی طرف سے لوگوں کو انصاف فراہم کرتا ہے وہ اپنے امر (حکومت) میں کامیابی پالیتا ہے اور اطاعت گزاری میں عاجزی مسکنت نیکی کے زیادہ قریب ہے معصیت و نافرمانی کی عزت سے ۔ ھناد