14357 (مسند عمر (رض)) عروۃ بن رویم لخمی سے مروی ہے کہ حضرت عمر بن خطاب (رض) نے حضرت ابو عبیدۃ بن الجراح (رض) کو خط لکھا۔ حضرت ابوعبیدۃ (رض) اس وقت جابیہ میں تھے۔ حضرت ابوعبیدۃ (رض) نے وہ خط مسلمان سپاہیوں کو پڑھ کر سنایا :
اللہ کے بندہ امیر المومنین عمر کی طرف سے ابوعبیدۃ بن الجراح کو تم پر سلام ہو۔ اما بعد !
اللہ کے حکم کو لوگوں میں صرف پختہ رائے اور حاضر دماغ شخص ہی نافذ کرسکتا ہے ، لوگ جس کے عیب پر مطلع نہ ہوں۔ اور وہ حق کی بات پر غصہ میں جھاگ نہ اڑاتا ہو، اللہ کے بارے میں کسی ملامت کرنے والے کی ملامت کی پروا نہ کرتا ہو۔
نیز حضرت عمر (رض) نے حضرت ابوعبیدۃ (رض) کو یہ بھی لکھا تھا :
میں تم کو یہ خط لکھ رہا ہوں ، اس میں میں اور نہ میرا نفس تمہاری بھلائی سے کوئی کوتاہی نہیں کرے گا ۔ پانچ باتیں لازم پکڑ لو تمہارا دین سلام رہے گا اور تم اپنا حصہ بھی پورا پورا حاصل کرلو گے۔ جب تمہارے پاس دو خصم (فریق) آئیں تو تم سچے گواہ اور پکی قسموں پر اعتبار کرو۔ پھر کمزور کے قریب لگو تاکہ اس کی زبان کھل جائے اور اس کے دل میں جرات پیدا ہو۔ پردیسی اجنبی کی خیر خبر جلد لو۔ کیونکہ جب اس کا دورانیہ قیام طویل ہوجائے گا تو اس کی حاجت فوت ہوجائے گی اور وہ اپنے گھر لوٹ جائے گا۔ اور شخص کو اپنے پاس ٹھکانا دو جس کا حق رہ گیا ہو اور اس نے اس کے لیے سر بھی اٹھایا ہو۔ اور جب تک فیصلہ ہ ہوجائے صلح کرانے کی کوشش اور حرص رکھو۔
ابن ابی الدنیا فی کتاب الاشراف