14368 حضرت علی (رض) سے مروی ہے ارشاد فرمایا :
میں نہیں سمجھتا ان (گمراہوں اور کافروں) کو تم پر غلبہ پانے والا ، مگر ایسی صورت میں جب تم حق سے ہٹ کر تفرقہ بازی کا شکار ہوجاؤ اور وہ اپنے باطل خیال پر مجتمع ہوجائیں۔ حاکم کسی صورت میں بال کو چیر نہیں سکتا ہاں وہ فیصلہ میں خطاء کرسکتا ہے اور صائب بھی ہوسکتا ہے۔ پس جب امام حاکم رعایا میں عدل کرے ، برابری کے ساتھ تقسیم کرے تو تم اس کی سنو اور اس پر عمل کرو ۔ لوگوں کی اصلاح اموال صرف حاکم ہی کرسکتا ہے خواہ وہ نیک ہو یا بد۔ اگر وہ نیک ہوگا تو اپنے لیے اور اپنی رعایا کے لیے بھی دونوں کے لیے بھلائی کا موجب ہوگا اور اگر وہ بدکار ہوگا تو تب بھی مومن اس کے سائے میں اپنے رب کی عبادت کرے گا اور بدکار اس کے سائے میں جلد اپنے انجام کو پہنچے گا۔ اور عنقریب تم لوگ مجھے گالیاں دو گے اور میرے دین سے برأت کا اظہار کرو گے (اور مجھے بےدین ٹھہراؤ گے) ۔ پس جو مجھے گالیاں دے میں اس کو معاف کرتا ہوں لیکن دین سے میری برأت کرنا درست نہیں کیونکہ میں اسلام پر قائم ہوں۔ ابن ابی شیبہ