14400 حضرت حسن سے مروی ہے کہ زیاد نے ایک لشکر پر حکم بن عمر وغفاری کو امیر مقرر کیا۔ پھر حضرت عمران بن حصین (رض) نے حکم بن عمروغفاری سے ملاقات کی اور فرمایا تم جانتے ہو میں تمہارے پاس کیوں آیا ہوں، میں تم کو وہ واقعہ یاددلانا چاہتا ہوں کہ جب رسول اللہ (صلی اللہ علیہ وآلہ وسلم) کو اس شخص کی اطلاع ملی جس کو اس کے امیر نے کہا کہ اٹھ اور آگ میں کو دجا۔ چنانچہ وہ آدمی آگ میں کودنے کے قریب ہوگیا تو اس کو کسی نے پکڑ لیا اور اس عمل سے روک لیا۔ پھر رسول اللہ (صلی اللہ علیہ وآلہ وسلم) نے اس کے متعلق ارشاد فرمایا : اگر وہ آگ میں کود جاتا تو جہنم میں داخل ہوجاتا۔ اللہ کی نافرمانی میں کسی کی اطاعت نہیں۔
چنانچہ حکم بن عمروغفاری نے عرض کیا : ہاں مجھے یہ واقعہ یاد ہے۔ حضرت عمران بن حصین (رض) نے فرمایا : پس میں تم کو یہ حدیث یاد دلانا چاہتا تھا۔ ابونعیم