14411 کعب (رض) بن عجرہ سے منقول ہے کہ رسول اللہ (صلی اللہ علیہ وآلہ وسلم) ہمارے پاس تشریف لائے جبکہ ہم لوگ مسجد میں بیٹھے ہوئے تھے۔ میں ان نو آدمیوں میں سے ایک تھا جو وہاں موجود تھے۔ ان میں سے پانچ تو اہل عرب میں سے تھے اور چار عجمی تھے۔ آپ (صلی اللہ علیہ وآلہ وسلم) نے ہم کو ارشاد فرمایا : کیا تم سن رہے ہو ؟ تین بار آپ نے یہی بات دریافت فرمائی کہ کیا تم سن رہے ہو ؟ ہم نے (ہر بار) عرض کیا : یارسول اللہ ! ہم سن رہے ہیں۔ تب آپ (صلی اللہ علیہ وآلہ وسلم) نے ارشاد فرمایا : اچھا تو سنو !
ظلم کے کاموں میں حکام کی مدد نہ کی جائے
عنقریب تم پر کچھ حکمران آئیں گے، پس جو شخص ان کے پاس داخل ہوا، ان کے جھوٹ کی تصدیق کی اور ان کے ظلم پر ان کی معاونت کی تو میں اس سے نہیں اور وہ مجھ سے نہیں اور وہ شخص قیامت کے دن حوض پر میرے پاس نہ آسکے گا۔ اور جو شخص ایسے حکام کے پاس نہ گیا، نہ ان کے کذب کی اس نے تصدیق کی اور نہ ان کے ظلم پر ان کی مدد کی تو وہ مجھ سے ہے اور میں اس سے۔ اور عنقریب قیامت کے دن وہ حوض پر مجھ سے آکر ضرور ملے گا۔ ابن جریر، شعب الایمان للبیہقی