14430 حضرت علی (رض) سے مروی ہے آپ (رض) فرماتے ہیں : میں نے پوچھا : یارسول اللہ ! جب آپ مجھے کسی حکم پر بھیجیں تو کیا میں مہرزدہ سکے کی طرح (بالکل حکم کے مطابق) عمل کروں یا پھر (اس نظرئیے پر عمل کروں کہ) شاہد (حاضر) وہ کچھ دیکھتا ہے جو غائب حکم دینے والا نہیں دیکھ سکتا۔ حضور اکرم (صلی اللہ علیہ وآلہ وسلم) نے ارشاد فرمایا : شاہد جو کچھ دیکھتا ہے غائب نہیں دیکھ سکتا (اسی طرح عمل کرو) ۔
مسند احمد ، البخاری فی التاریخ، الدورقی ، حلیۃ الاولیاء، ابن عساکر، السنن لسعید بن منصور