14451 محارب بن دثار سے مروی ہے کہ حضرت عمر بن خطاب (رض) نے دمشق کے قاضی سے دریافت فرمایا : تو کیسے فیصلہ کرتا ہے ؟ اس نے کہا : کتاب اللہ کے ساتھ، پوچھا : جب ایسا کوئی قضیہ تمہارے سامنے پیش ہو جو کتاب اللہ میں نہ ہو تو ؟ عرض کیا : تب میں سنت رسول اللہ (صلی اللہ علیہ وآلہ وسلم) کے مطابق فیصلہ کرتا ہوں۔ پوچھا : جب ایسا کوئی قضیہ پیش آجائے جس میں رسول اللہ (صلی اللہ علیہ وآلہ وسلم) کی سنت بھی ظاہر نہ ہو تب ؟ عرض کیا : تب میں اپنی رائے میں اجتہاد کرتا ہوں اور اپنے ہم نشینوں سے مشاورت کرلیتا ہوں۔ حضرت عمر (رض) نے اس کی تحسین فرمائی : تم بہت اچھا کرتے ہو۔
ابن جریر