14474 ذی الجوشن ضبابی سے مروی ہے وہ فرماتے ہیں میں رسول اکرم (صلی اللہ علیہ وآلہ وسلم) کے پاس حاضر خدمت ہوا۔ اس وقت آپ (صلی اللہ علیہ وآلہ وسلم) غزوہ بدر سے فارغ ہوئے تھے۔ میں اپنی ایک گھوڑی قرحاء نامی کے بیٹے کے ساتھ لایا تھا۔ چنانچہ میں نے عرض کیا : اے محمد ! میں آپ کے پاس ابن القرحاء لایا ہوں ۔ آپ کو کو رکھ لیجئے۔ آپ (صلی اللہ علیہ وآلہ وسلم) نے فرمایا : مجھے اس کی حاجت نہیں ہے۔ ہاں اگر تو چاہتا ہے کہ میں تجھے اس کے بدلے میں بدر کی زر ہوں میں سے کچھ دوں تو ایسا کردوں گا۔
میں نے عرض کیا : آج میں اس کے بدلے کوئی چیز کسی بھی تعداد میں نہیں لے سکتا۔ پھر آپ (صلی اللہ علیہ وآلہ وسلم) نے فرمایا : پھر مجھے اس میں کوئی حاجت نہیں ہے۔ پھر آپ (صلی اللہ علیہ وآلہ وسلم) نے ارشاد فرمایا : اے ذی الجوشن ! تو مسلمان کیوں نہیں ہوجاتا ؟ تب تو اس اسلام کے اولین لوگوں میں شمار ہوگا۔ میں نے عرض کیا : نہیں میں ایسا قدم نہیں اٹھاسکتا۔ آپ (صلی اللہ علیہ وآلہ وسلم) نے پوچھا : آخر کیوں ؟ میں نے عرض کیا : میں نے آپ کی قوم کو دیکھا ہے کہ انھوں نے آپ کا حق مارلیا ہے (آپ کمزور ہیں) آپ (صلی اللہ علیہ وآلہ وسلم) نے ارشاد فرمایا : تجھے جو بدر کی خبریں ملی ہیں ان کا حال دیکھا ہے ؟ میں نے عرض کیا : مجھے تمام خبریں مل گئی ہیں (ابھی ابتداء ہے) آپ (صلی اللہ علیہ وآلہ وسلم) نے فرمایا : ہم تجھے کچھ ہدیہ دینا چاہتے ہیں۔ میں نے عرض کیا : اگر آپ کعبہ پر غلبہ پالیں اور اس کو اپنا وطن ٹھہرالیں (تو میں مسلمان ہوسکتا ہوں، چونکہ اس وقت تک اسلام کی قوت کا اندازہ ہوجائے گا) ۔
آپ (صلی اللہ علیہ وآلہ وسلم) نے فرمایا : شاید تم جیو اور اس بات کو ضرور دیکھ لو گے۔ پھر فرمایا : اے بلال : اس کا تھیلا عجوۃ۔ عمدہ ترین کھجوروں سے بھردو۔ چنانچہ پھر میں منہ موڑ کر چل دیا تو آپ (صلی اللہ علیہ وآلہ وسلم) نے میرے متعلق ارشاد فرمایا : یہ شخص بنی عامر کا بہترین شہ سوار ہے۔
چنانچہ اس کے بعد ایک مرتبہ جب میں اپنے گھر والوں کے ساتھ غور مقام پر تھا کہ ایک سوار میرے پاس آیا۔ میں نے اس سے پوچھا : تو کہاں سے آیا ہے ؟ اس نے کہا : مکہ سے۔ میں نے پوچھا : لوگوں کا کیا حال ہے ؟ اس نے خبر دی کہ اللہ کی قسم ! مکہ پر محمد غالب آگئے ہیں اور اس کو اپنا وطن ٹھہرالیا ہے۔ میں نے کہا : میری ماں مجھے روئے کاش میں اس دن مسلمان ہوجاتا اور محمد سے حیرۃ (بہت بڑا علاقہ) مانگتا تو وہ مجھے ضرور بطور جاگیر عطا فرما دیتے۔ مصنف ابن ابی شیبہ