14479 عروۃ روایت کرتے ہیں کہ حضرت حکیم بن حزام (حالت شرک میں) یمن گئے اور ذی یزن کا قیمتی حلہ وہاں سے خریدا پھر مدینہ لاکر رسول اللہ (صلی اللہ علیہ وآلہ وسلم) کی خدمت میں بطور ہدیہ پیش کردیا۔ لیکن رسول اللہ (صلی اللہ علیہ وآلہ وسلم) نے اس کو واپس کردیا اور ارشاد فرمایا :
ہم کسی مشرک کا ہدیہ قبول نہیں کرتے۔
چنانچہ پھر حکیم نے اس کو فروخت کرنے کے لیے پیش کردیا۔ رسول اللہ (صلی اللہ علیہ وآلہ وسلم) نے اس حلہ کے خریدنے کا حکم دیا۔ لہٰذا وہ حلہ آپ کے لیے خرید لیا گیا۔ پھر آپ (صلی اللہ علیہ وآلہ وسلم) نے اس کو زیب تن فرمایا اور مسجد میں تشریف لائے۔
حکیم کہتے ہیں : میں نے اس حلہ میں جب آپ کو دیکھا تو کسی کو آپ سے زیادہ حسین نہیں پایا گویا آپ (صلی اللہ علیہ وآلہ وسلم) چودھویں رات کا چاند ہیں۔ اور میں آپ کو دیکھ کر یہ شعر پڑھے بغیر نہ رہ سکا :
ماینظر الحکام بعد مابدا واضح ذو غرۃ وحجول
اذاواضحوہ المسجداربی علیھم مستفرع ماء الذناب سجیل
چنانچہ رسول اللہ (صلی اللہ علیہ وآلہ وسلم) یہ اشعار سن کر ہنس دیئے ۔ ابن جریر
14473 پر یہ روایت بمع ترجمہ اشعار کے ملاحظہ فرمائیں۔