١٤٤٩۔۔ ازمسند ابوالدرداء ، کثیر بن عبداللہ ابوادریس سے اور وہ حضرت ابوالدرداء سے روایت کرتے ہیں کہ کہ رسول اکرم نے فرمایا جس نے نماز قائم کی، زکوۃ ادا کی، اور پھر اس حال میں مرا کہ اللہ کے ساتھ شرک نہ کرتا تھا تو اللہ پر حق ہے کہ اس کی مغفرت فرمادے خواہ اس نے ہجرت کی ہو یا اپنے شہر میں۔ بمطابق دوسرے الفاظ کے اسی سرزمین میں وفات کرگیا، جہاں اس کی ماں نے اس کو جنم دیاتھاہم نے عرض کیا یارسول اللہ کیا ہم لوگوں کو خوش خبری نہ پہنچادیں ؟ فرمایا جنت میں سو مراتب ہیں ہر دومرتبوں کے مابین زمین و آسمان جتنا فاصلہ ہے اللہ نے ان مراتب کو راہ خدا کے مجاہدین کے لیے تیار کیا ہے مجھے مومنین پر مشقت کا خوف ہے اور میں اس قدر سواریاں بھی نہیں پاتا کہ سب کو مہیاکردوں اور ان کو میرے جہاد میں جانے کے بعد پیچھے رہ جانے پر گرانی بھی گزرے گی، اگر یہ باتیں نہ ہوتیں تو میں کسی غزوہ سے کبھی پیچھے نہ رہتا۔ اور میری تمنا ہے کہ میں راہ خدا میں قتل ہوجاؤں پھر زندگی ملے اور پھر قتل ہوجاؤں۔ النسائی، الکبیر للطبرانی، ابن عساکر۔