14529 عمران بن حارثہ بن ظفر الحنفی اپنے والد حارثہ سے روایت کرتے ہیں کہ کچھ لوگ ایک جھونپڑے کے بارے میں اپنا مقدمہ لے کر حضور اکرم (صلی اللہ علیہ وآلہ وسلم) کی خدمت میں حاضر ہوئے۔ حضور اکرم (صلی اللہ علیہ وآلہ وسلم) نے حضرت حذیفہ (رض) کو ان کا فیصلہ کرنے کے لیے بھیجا۔ چنانچہ حضرت حذیفہ (رض) نے جھونپڑے کا فیصلہ اس شخص کے لیے فرمادیا جو اس کے رسوں (کو باندھنے) کے قریب تھا۔ چنانچہ جب وہ فیصلہ کرکے نبی اکرم (صلی اللہ علیہ وآلہ وسلم) کی خدمت میں آئے اور آکر فیصلہ کی خبر سنائی تو حضور نے فرمایا : تو نے درست فیصلہ کیا اور اچھا فیصلہ کیا۔ ابونعیم
کلام : روایت محل کلام ہے : ضعاف الدارقطنی 69 ضعیف ابن ماجہ 513 ۔