14532 زید بن ارقم سے مروی ہے کہ ہم رسول اللہ (صلی اللہ علیہ وآلہ وسلم) کی خدمت میں موجود تھے کہ یمن سے ایک شخص آیا ان دنوں حضرت علی (رض) حضور کی طرف سے امیر بن کر یمن گئے ہوئے تھے۔ یمن سے آنے والا شخص حضور اکرم (صلی اللہ علیہ وآلہ وسلم) کو خبر دیتے ہوئے بتانے لگا کہ :
تین آدمیوں کا ایک لڑکے پر دعویٰ
یارسول اللہ ! حضرت علی (رض) کے پاس تین آدمی آئے۔ تینوں نے ایک بچے کے بارے میں اپنا تنازعہ حضرت علی (رض) کی خدمت میں پیش کیا۔ ہر ایک گمان تھا کہ یہ لڑکا اس کا ہے۔ درحقیقت ان تینوں نے ایک عورت کے ساتھ ایک ہی پاکی میں جماع کیا تھا (جس کے نتیجے میں یہ لڑکا پیدا ہوا) ۔ چنانچہ حضرت علی (رض) نے تم تینوں ایک دوسرے کے ساتھ گھنے شریک ہو۔ میں تم تینوں کے درمیان قرعہ اندازی کرتا ہوں ۔ پس جس کے نام قرعہ نکل آیا لڑکا اس کا ہوجائے گا اور اس پر دو تہائی دیت کے واجب ہوں گے۔ جو وہ اپنے دونوں ساتھیوں کو ادا کردے گا۔ لہٰذا حضرت علی (رض) نے ان کے درمیان قرعہ ڈالا اور جس کے نام قرعہ نکلا لڑکا اس کے حوالہ کردیا اور اس پر اس کے دونوں ساتھیوں کے لیے ایک ایک تہائی دیت واجب کردی۔
یہ فیصلہ سن کر حضور اکرم (صلی اللہ علیہ وآلہ وسلم) اس قدر ہنسے کہ آپ کے کیچلی کے دانت یا ڈاڑھیں نظر آنے لگیں۔ الجامع لعبد الرزاق، مصنف ابن ابی شیبہ