١٤٥٥۔۔ ابن المنتفق یا ابوالمنتفق سے مروی ہے کہ وہ فرماتے ہیں کہ مجھ سے کسی نے رسول اللہ کا تذکرہ کیا تو میں مکہ میں آپ کی تلاش میں نکل کھڑا ہوا، پھر مجھے معلوم ہوا کہ آپ منی میں میں منی میں آپ کے پاس پہنچاوہاں سے معلوم ہوا کہ آپ میدان عرفات میں ہیں میں وہاں آپ کے پاس پہنچا، اور آپ کے سامنے جاکھڑا ہوا مجھے کہا گیا رسول اللہ کا راستہ چھوڑ دو ، لیکن آپ نے فرمایا آدمی کو چھوڑ دو ، پھر میں لوگوں سے چھوٹ کر آپ کے پاس پہنچا اور اس آپ کی سواری کی نکیل یافرمایالگام تھام لی اور ہم دونوں کی سواریوں کی گردنیں آپ میں مل گئیں اور آپ نے مجھے بالکل منع نہیں فرمایا، میں نے عرض کیا میں آپ سے دو چیزوں کے بارے میں سوال کروں گا یہ کہ مجھے کیا چیز جہنم سے نجات دلائے گی اور کیا چیز جنت میں دخول کا سبب بنے گی، پھر آپ نے آسمان کی طرف دیکھا اور فرمایا اگرچہ تو نے مختصر سی بات کی ہے مگر درحقیقت یہ بہت بڑی اور عظیم بات ہے۔ سویاد رکھ کہ اللہ کی عبادت کرو اس کے ساتھ کسی کو شریک نہ کرو، فرض نماز قائم کرو، زکوۃ ادا کرو، رمضان کے روزے رکھو، اور بیت اللہ کا حج وعمرہ کرو، اور لوگوں کا جو سلوک اپنے لیے پسند کرتے ہو وہی سلوک ان کے ساتھ بھی کرو، اور جو بات لوگوں سے اپنے لیے ناپسند کرتے ہو لوگوں کے لیے بھی اس کو چھوڑ دول۔ اب سواری کا راستہ چھوڑدو۔ مسنداحمد، ابن جریر، البغوی، الکبیر للطبرانی (رح)۔