14552 حارث بن معاویہ کندی سے مروی ہے کہ وہ تین باتوں کا سوال کرنے کے لیے سفر کرکے حضرت عمر بن خطاب (رض) کے پاس مدینہ گئے۔ حضرت عمر (رض) نے ان سے پوچھا : کیا چیز تجھے میرے پاس لے کر آئی ہے ؟ حارث نے عرض کیا : تین باتوں کے متعلق سوال۔ پوچھا وہ کیا ہیں ؟ عرض کیا : بسا اوقات میں اور میری بیوی کمرے میں ہوتے ہیں اور نماز کا وقت ہوجاتا ہے تو میں نماز پڑھتا ہوں تو وہ میرے برابر کھڑی ہوجاتی ہے کیونکہ اگر وہ پیچھے کھڑے ہو تو کمرے (کی تنگی کی وجہ سے وہ اس) باہر آجاتی ہے۔ حضرت عمر (رض) نے فرمایا : تو اپنے اور اس کے درمیان کپڑے کا پردہ حائل کرلے پھر اس کے برابر ہوتے ہوئے نماز ادا کرلے اگر تو چاہے۔ حارث نے دوسرے سوال کیا : عصر کے بعد دو رکعتیں (نفل) کیسی ہے ؟ لوگ چاہتے ہیں کہ میں ان کے آگے بیان کیا کروں ؟ حضرت عمر (رض) نے فرمایا : تمہاری مرضی ہے۔ گویا حضرت عمر (رض) نے منع کرنا گوارہ نہ کیا (لیکن قصہ گوئی کو پسند بھی نہ فرمایا) حارث نے عرض کیا : خیر میں باز آنے کی کوشش کرتا ہوں۔ تب حضرت عمر (رض) نے فرمایا : مجھے ڈر ہے کہ جب تو ان میں قصہ گوئی کرے گا تو اپنے جی میں ان سے بڑھ جائے گا، پھر تو ان کو قصہ گوئی کرتا رہے گا تو اپنے آپ کو ان سے ثریا جتنا بلند رتبہ خیال کرے گا۔ پھر اللہ پاک قیامت کے روز تجھے اسی قدر ان کے قدموں کے نیچے پست کردے گا۔
مسند احمد، السنن لسعید بن منصور