14563 رسول اللہ (صلی اللہ علیہ وآلہ وسلم) نے مجھے چار باتوں سے منع فرمایا اور (اس کے بعد) میں نے رسول اللہ (صلی اللہ علیہ وآلہ وسلم) سے چار چیزوں کے متعلق سوال کیا۔ رسول اللہ (صلی اللہ علیہ وآلہ وسلم) نے مجھے منع فرمایا کہ میں بالوں کی چوٹی یا جوڑا باندھ کر نماز پڑھوں (مرد کے لئے) یا نماز میں کنکریوں کو الٹ پلٹ کروں، نیز مجھے منع فرمایا کہ میں جمعہ ہی کو روزے کے لیے خاص کرلوں۔ اور منع فرمایا کہ میں روزہ کی حالت میں پچھنے (لگوا کر خون) نکلواؤں۔
اور میں نے رسول اللہ (صلی اللہ علیہ وآلہ وسلم) سے (قرآن پاک میں مذکور )” ادبارالنجوم “ اور ” ادبارالسجود “ کے بارے میں سوال کیا تو حضور (صلی اللہ علیہ وآلہ وسلم) نے فرمایا : ادبار السجود مغرب کے بعد کی دو رکعت (سنتیں) ہیں اور ادبار النجوم فجر کی نماز سے پہلے (فجر کی) دو رکعت (سنتیں) ہیں۔ نیز میں نے آپ سے حج اکبر کے بارے میں سوال کیا تو ارشاد فرمایا : وہ یوم النحر (قربانی کا دن) ہے۔ اور میں نے آپ (صلی اللہ علیہ وآلہ وسلم) سے (الصلاۃ الوسطی) درمیان کی نماز (جس کا قرآن میں ذکر ہے) کا سوال کیا تو آپ (صلی اللہ علیہ وآلہ وسلم) نے فرمایا : وہ عصر کی نماز ہے جس میں کوتاہی کی جاتی ہے۔ اور پھر قرآن میں اس کی پابندی کا خصوصیت سے ذکر آیا ہے۔ مسدد
کلام : روایت ضعیف ہے۔ کنز