١٤٦٤۔۔ ازمسند عقبہ بن مالک۔ رسول اکرم نے ایک سریہ کسی مہم پر روانہ فرمایا، اس سریہ نے ایک قوم پر حملہ کیا۔ دوران جنگ اس قوم کا ایک شخص جدا ہو کربھاگ کھڑا ہوا سریہ کا بھی ایک سپاہی اس کے تعاقب میں تلوار سونتے ہوئے روانہ ہوگیا، اس بچ کر بھاگ نکلنے والے نے پیچھے ان کو آواز دی کہ میں مسلمان ہوں لیکن اس سپاہی نے اس کے باوجود اس کو قتل کرڈالا۔ یہ بات حضور تک پہنچی حضور نے اس پر سخت تنبیہ ونکیر فرمائی۔ آپ کے تنبیہ فرمانے کے دوران ایک شخص نے کہا یارسول اللہ اس مقتول نے وہ بات اپنے قبل سے محفوظ ہونے کے لیے کہی تھی آپ نے اس سے اور اس کے ہم خیال افراد سے اعراض فرمالیا۔ اور اپنے خطبہ میں شروع ہوگئے لیکن اس شخص سے نہ رہا گیا تو اس نے پھر وہی بات کہی کہ اس نے قتل سے اپنی حفاظت کی غرض سے کہا تھا، پھر آپ نے اس شخص کی طرف توجہ اور ناگواری آپ کے رخ انور سے عیاں تھی اور فرمایا اللہ نے مومن کے قاتل کے لیے مجھ سے ممانعت فرمادی ہے۔ الخطیب فی المتفق والمفترق۔