١٤٧۔۔ زمین تو اس سے بھی بدتر کو قبول کر لیت ہے ، مگر اللہ تعالیٰ چاہتے ہیں، کہ لاالہ الا اللہ کی عظمت و حرمت کو دکھائیں، ابن ماجہ، بروایت عمران بن حصین، اس روایت کا عبرتناک پس منظر ہے ، حضرت عمران بن حصین (رض) ، فرماتے ہیں رسول اللہ نے ایک لشکرمشرکین کے مقابلہ میں روانہ فرمایا جس میں بھی شریک تھا، مشرکین سے شدت کی خون ریزی ہوئی۔ دوران جنگ مسلمانوں کا ایک سپاہی کسی مشرک پر حملہ آور ہوا اور وہ مشرک مسلمان کے نرغہ میں پھنس گیا، مشرک نے فوراکلمہ لاالہ الا اللہ پڑھا اور پکارا کہ میں مسلمان ہوتاہوں لیکن اس مسلمان نے پھر بھی اس پر حملہ کرکے اس کو تہ تیغ کرڈالا۔ بعد میں یہ شخص بارگاہ رسالت میں حاضر ہو اور ساراماجرا بیان کیا، آپ نے فرمایا تم نے کیوں نہیں اس کا شکم چاک کرکے دیکھ لیا کہ وہ سچے دل سے کلمہ پڑھ رہا ہے ؟ جب تم کو اس کے دل کا حال معلوم نہ تھا، تو کیوں تم نے اس کی زبان پر اعتبار نہیں کیا ؟ آپ نے دو تین مرتبہ ایسا فرمایا۔ پھر آپ نے سکوت فرمالیا کچھ عرص بعد اس شخص کو انتقال ہوگیا، تو ہم نے اس کو سپرد خاک کردیا۔ مگر آئندہ روز اطلاع ملی کہ اس شخص کو نعش زمین سے باہر پڑی ہے۔ ہم نے خیال کیا کہ شاید کسی دشمن نے اپنی عداوت نکالی ہے۔ اور ہم نے اس کو دوبارہ دفن کردیا، اور اپنے غلاموں کو نگرانی پر مامور کردیا۔ لیکن آئندہ روز پھر وہی سابقہ پیش آیا، اور اس کی نعش باہر پڑی ملی۔ ہم نے سوچاشاید نگرانوں کی آنکھ لگ گئی ہو اور کسی نے ان کو غفلت میں ایسا کردیا ہو۔ لہذادوبارہ دفن کرنے کے بعد ہم نے بذاتہ اس کی قبر کی نگرانی کی۔ مگر صبح پھرا سکی نعش قبر سے باہرپڑی ملی۔ اب ہمیں یقین ہوچلا کہ یہ قدرت کی طرف سے ہے۔ اور لاالہ الا اللہ کے قائل تو قتل کرنے کا انجام ہے۔ ہم نے اس واقعہ کو بارگاہ رسالت میں پیش کیا۔۔ تب آپ نے حدیث کے یہ عبرت انگیز کلمات ارشاد فرمائے زمین تو اس سے بھی بدتر کو قبول کرلیتی ہے مگر اللہ تعالیٰ چاہتے ہیں کہ لاالہ الاللہ کی عظمت و حرمت کو دکھائیں۔