١٤٩٦۔۔ حضرت ابن عباس کے غلام حضرت عکرمہ سے مروی ہے کہ حضرت ابن عباس نے فرمایا کہ اسلام نے چار عورتوں اور ان کے خاوندوں کے درمیان تفریق وجدائی کردی ہے۔ حبیبہ بنت ابی طلحۃ، بن عبدالعزی بن عثمان ابن عبدالدار، یہ خاتون پہلے خلف بن سعد بن عامر بن بیاضہ الخزاعی کے عقد نکاح میں تھی۔ پھر الاسود بن الخلف کے عقد نکاح میں چلی گئیں۔ اورفاختہ بنت الاسود بن عبدالمطلب بن اسد یہ پہلے امیہ بن خلف کے عقد نکاح میں تھیں پھر ابوقیس بن الاسلت ایک انصاری شخص کے عقد میں آگئیں، اور ملیکہ بنت خارج بن سنان بن ابی خارج، یہ پہلے زبان بن سنان کے عقد میں تھیں پھر منظور بن زبان بن سنان کے عقد میں آگئیں اور جب اسلام طلوع ہواتوقیس بن حارث بن عمیرہ الاسدی، کے پاس آٹھ عورتیں تھیں۔ حضور نے ان کو فرمایا کہ چارکو اپنے پاس رکھو اور بقیہ کو طلاق دیدو اور صفوان بن امیہ بن خلف کے پاس چھ عورتیں تھیں اور عروہ بن مسعود کے پاس دس عورتیں تھیں۔ اور سفیان بن عبداللہ الثقفی کے پاس نوعورتیں تھیں۔ اور ابوسفیان بن حرب کے پاس چھ عورتیں تھیں۔ المصنف لعبدالرزاق۔