١٥٠٥۔۔ از مسند اسود بن خلف الخزاعی ۔ محمد بن الاسود بن خلف سے مروی ہے کہ ان کے والد اسود نے ان کو قرن عصقلہ کے پاس یہ روایت بیان کی کہ انھوں نے نبی کریم کو لوگوں سے بیعت لیتے ہوئے دیکھا کہ مرد اور عورتیں ، بچے اور بوڑھے آپ کی خدمت میں حاضر ہوئے اسلام اور شہادتین پر آپ سے بیعت ہوئے۔ روایت کے لیے ایک راوی عبداللہ بن عثمان بن خثیم کہتے ہیں کہ میں نے پوچھا کہ شہادت کیا چیز ہے ؟ تو محمد بن الاسود حجرنے فرمایا شہادت یہ ہے کہ اللہ کے سوا کوئی معبود نہیں اور محمداللہ کے رسول ہیں۔ مسنداحمد، البغوی، ابن السکن، المستدرک للحاکم، ابونعیم۔