15053 حضور اکرم (صلی اللہ علیہ وآلہ وسلم) نے فیصلہ فرمادیا ہے کہ معدن (کان) میں ہلاک ہونے والے خون معاف ہے۔ کنویں میں گر کر ہلاک ہونے والے کا خون معاف ہے۔ کسی چوپائے کے چوٹ ماردینے کی سزا معاف ہے۔ نیز آپ (صلی اللہ علیہ وآلہ وسلم) نے رکاڑ (وہ خزانہ جو اللہ نے زمین میں چھپا رکھا ہو کسی آدمی کا چھپایا ہوا نہ ہو) میں (مملک کا) خمس (پانچواں) حصہ ہے۔ نیز آپ (صلی اللہ علیہ وآلہ وسلم) نے فیصلہ دیا ہے کہ کھجور کا پھل اس شخص کے لیے ہے جس نے اس کی تابیر کی (نر کھجور سے شگوفہ کی تیلیاں مادہ کھجور میں لاگئیں اور اس کی آبیاری کی) ہاں اگر درخت خریدنے والا شرط لگا دے (کہ پھل بھی میرا ہوگا تو پھر پھل اسی خریدار کا ہے) یونہی غلام کی ملکیت کی چیزیں غلام کو فروخت کرنے والے کی ہیں۔ ہاں اگر مشتری شرط لگادے (تو مشتری کی ہیں) نبی اکرم (صلی اللہ علیہ وآلہ وسلم) نے فیصلہ فرمایا ہے کہ بچہ بستروالے (شوہر یا باندی کے مالک) کا ہے اور زانی (بدکار) کے لیے سنگساری ہے، نبی اکرم (صلی اللہ علیہ وآلہ وسلم) نے فیصلہ فرمایا کہ زمینوں اور گھروں میں شریک ایک دوسرے کے لیے شفعہ کا حق رکھتے ہیں ، نبی اکرم (صلی اللہ علیہ وآلہ وسلم) نے فیصلہ فرمایا ہے کہ پیٹ کا بچہ جو قتل کردیا جائے اس کے عوض ایک غلام یا باندی دینا ضروری ہے نبی اکرم (صلی اللہ علیہ وآلہ وسلم) نے فیصلہ فرمایا ہے کہ وہ میدان جو راستے میں پڑتا ہو پھر میدان کے مالک اس میں عمارت کھڑی کرنا چاہیں تو راستے کے لیے سات ہاتھ جگہ چھوڑی جائے گی نبی اکرم (صلی اللہ علیہ وآلہ وسلم) نے فیصلہ فرمایا کہ ایک کھجور کا درخت یا دو یا تین اگر ان کے مالک مختلف ہوں تو ہر درخت کی جگہ اس کی شاخیں پہنچنے کی جگہ تک ہے۔ نبی اکرم (صلی اللہ علیہ وآلہ وسلم) نے فیصلہ فرمایا ہے کہ باغوں کو نہر وغیرہ کے پانی سے بیچنے میں پہلے اوپر کی زمین میں ٹخنوں تک پانی چھوڑا جائے گا ، پھر اس کے نیچے والی زمین میں اتنا ہی پانی چھوڑا جائے گا حتیٰ کہ باغات اور زمنیں پوری ہوجائیں یا پانی ختم ہوجائے نبی اکرم (صلی اللہ علیہ وآلہ وسلم) نے فیصلہ فرمایا ہے کہ عورت اپنے مال میں سے کوئی چیز شوہر کی اجازت کے بغیر کسی کو نہیں دے سکتی۔ نبی اکرم (صلی اللہ علیہ وآلہ وسلم) نے فیصلہ فرمایا ہے کہ جد تین (دادی اور نانی) میراث کے چھٹے حصے میں برابر کی حصہ دار ہوں گی۔
نبی اکرم (صلی اللہ علیہ وآلہ وسلم) نے فیصلہ فرمایا ہے : جس نے اپنے غلام کا کوئی حصہ آزاد کیا تو اس پر لازم ہے کہ اگر وہ بقیہ حصہ کا بھی مالک ہے تو اس کو بھی آزاد کردے۔ اور نبی اکرم (صلی اللہ علیہ وآلہ وسلم) نے فیصلہ فرمایا ہے کہ اسلام میں ضرر ہے (کسی کو) ناروا ضرر (تکلیف) پہنچانے کی اجازت ہے اور نہ بلاوجہ کسی ضرر کا بدلہ اور نقصان برداشت کرنے کی نبی اکرم (صلی اللہ علیہ وآلہ وسلم) نے فیصلہ فرمایا ہے کسی ظالم (ناجائز) پیدا ہونے والی شے کا کوئی حق نہیں (اس کا مطلب خاص طور پر یہ ہے کہ کسی شخص نے کوئی مردہ زمین آباد کی بعد میں کسی دوسرے نے اس میں کو ئف فصل یا درخت وغیرہ اگا کر اس پر اپنا حق جتانے کی ناجائز کوشش کی تو دوسرے کا زمین میں کوئی حق نہیں) نبی اکرم (صلی اللہ علیہ وآلہ وسلم) نے فیصلہ فرمایا ہے کہ شہر کے باغ میں کنویں کے بچے ہوئے پانی کے ساتھ باغ کو سیراب کرنا جائز ہے۔ نبی اکرم (صلی اللہ علیہ وآلہ وسلم) نے اہل دیہات کے درمیان یہ فیصلہ فرمایا ہے کہ ۔ نہر، جوہڑ اور تالاب وغیرہ، کا بچا ہوا پانی پینے سے مویشیوں کو نہیں روکا جاسکتا تاکہ وہ زائد اگی ہوئی خودرو گھاس پھونس چرسکیں۔ نبی اکرم (صلی اللہ علیہ وآلہ وسلم) نے دیت کبری (قتل عمد کی دیت) میں فیصلہ فرمایا ہے تیس بنت لبون (وہ اونٹنی جو دو سال پورے کرکے تیسرے میں شروع ہوجائے) تیس حقہ (وہ اونٹنی جو چوتھے سال میں داخل ہوجائے) چالیس جذعہ (جو اونٹنی چار سال پورے کرکے پانچویں سال میں داخل ہوجائے) نبی اکرم (صلی اللہ علیہ وآلہ وسلم) نے فیصلہ فرمایا ہے دیت صغریٰ (قتل خطا کی دیت) میں تیس بنت لبون تیس حقہ اور بیس بنت مخاض اور بیس بنی مخاض (یعنی ایک سال پورا کرکے دوسرے سال میں داخل ہونے والی بیس اونٹنیاں اور بیس اونٹ) ۔
مسند احمد ، عبداللہ بن احمد بن حنبل، ابوعوان، الکبیر للطبرانی عن عبادۃ بن الصامت