١٥٠٧۔۔ از مسند جریر۔ حضرت جریر (رض) سے مروی ہے کہ ہم آپ سے انہی باتوں پر بیعت ہوئے جن باتوں پر عورتیں آپ سے بیعت ہوئیں اور جس نے مرتے دم تک ان باتوں میں کمی کوتاہی نہ کی۔ اور آپ اس کے لیے جنت کے ضامن بنے۔ اور جو اس حال میں مرا کہ اس سے کوتاہی سرزد ہوئی تھی ، لیکن اس پر حد خداوندی کا اجراء ہوگیا تھا تو وہ حد اس کے لیے کفارہ ثابت ہوگی۔ اور جو اس حال میں مرا کہ اس سے کوئی کوتاہی سرزد ہوئی تھی اور اس پر پردہ پڑا رہا تو اس کا حساب کتاب اللہ کے ذمہ ہے۔ ابن جریر ۔ الکبیر للطبرانی۔