15125 اللہ تعالیٰ نے ہفتہ کے روز مٹی (زمین) پیدا فرمائی۔ اتوار کے دن اس میں پہاڑ پیدا کئے پیر کے روز درخت پیدا کئے، منگل کے روز ناپسندیدہ چیزیں پیدا فرمائی بدھ کے روز نور کو پیدا فرمایا، چرند وچوپایوں کو جمعرات کے دن زمین میں پھیلادیا ۔ جمعہ کے دن عصر کے بعد رات تک تمام تخلیقات کے آخر میں آدم (علیہ السلام) کو پیدا فرمایا۔ مسند احمد ، مسلم عن ابوہریرہ (رض)
فائدہ : فرمان الٰہی ہے۔
خلق السموات والارض وما بینھما فی ستۃ ایام۔
اللہ پاک نے آسمان اور زمین اور ان کے درمیان کی چیزوں کو چھ دنوں میں پیدا فرمایا۔
مذکورہ حدیث سے لازم آتا ہے کہ تخلیق مخلوقات سات دنوں میں ہوئی۔ درحقیقت مذکورہ حدیث حضرت کعب احبار (رح) کا قول ہے نہ کہ فرمان رسول (صلی اللہ علیہ وآلہ وسلم) امام بخاری (رح) اور دیگر علماء اسلام کا یہی قول ہے۔ دیکھئے التاریخ الکبیر للبخاری 413-1 ۔ نیز اس بحث کا خلاصہ دیکھے المنار المنیف لابن القیم 85, 84 ۔