15143 آدم وحواء (علیہما السلام) دونوں عریاں حالت میں زمین پر اترے تھے، ان کے جسموں پر صرف جنت کے پتے تھے۔ حضرت آدم (علیہ السلام) کو تپش نے ستایا تو بیٹھ کر رونے لگے اور حوا (علیہ السلام) کو فرمایا : اے حواء ! مجھے گرمی نے ستادیا ہے۔ حضرت جبرائیل (علیہ السلام) روئی لے کر حضرت آدم (علیہ السلام) کے پاس تشریف لائے۔
اور حضرت حواء (علیہ السلام) کو حکم فرمایا روئی کا تو اور ان کو روئی کا تنا سکھایا۔ جبکہ آدم (علیہ السلام) کو دھاگے سے کپڑا بننے کا حکم دیا اور سکھایا : آدم (علیہ السلام) جنت میں اپنی بیوی سے جماع نہ کرتے تھے۔ حتیٰ کہ وہ ممنوعہ درخت کا پھل کھانے کی وجہ سے زمین پر اترے تب بھی وہ علیحدہ علیحدہ سوتے تھے ایک وادی بطحاء میں سوتا تھا اور دوسرا دوسرے کونے میں سوتا تھا۔ حتیٰ کہ آدم (علیہ السلام) کے پاس حضرت جبرائیل (علیہ السلام) تشریف لائے ان کو حکم دیا کہ اپنے گھر والوں سے ملیں اور مباشرت کا طریقہ سکھایا۔ چنانچہ آدم (علیہ السلام) اپنی اہلیہ کے پاس آئے اس کے بعد جبرائیل (علیہ السلام) ان کے پاس تشریف لائے اور پوچھا : آپ نے اپنی بیوی کو کیسا پایا ؟ آدم (علیہ السلام) نے فرمایا : صالحۃ (اچھا نیک) ۔ ابن عساکر عن انس (رض)