١٥٣٦۔۔ ازمسند صدیق (رض)۔ طلحہ (رح) بن عبداللہ (رح) بن عبدالرحمن (رض) ابی بکر (رض) سے مروی ہے وہ فرماتے ہیں کہ میں نے اپنے والد عبداللہ سے سنا، وہ بھی فرما رہے تھے کہ ان کے والد عبدالرحمن نے اپنے والد حضرت ابوبکر صدیق کو یہ فرماتے ہوئے سنا کہ میں نے نبی کریم سے عرض کیا، یارسول اللہ عمل کے بارے میں فیصلہ کیا جاچکا ہے ؟ یا عمل از سرنو انجام پاتا ہے فرمایا نہیں بلکہ عمل کے متعلق فیصلہ سے فراغت ہوگئی ہے عرض کیا پھر عمل کرنے کا فائدہ ؟ فرمایا ہر انسان کو اسی عمل کی توفیق ہوتی ہے ، جس کے لیے اس کو پیدا کیا گیا ہے۔ مسنداحمد، الکبیر للطبرانی، ابوزکریا بن مندہ فی جزء من روی عن النبی ھو وولدہ وولد ولدہ۔