١٥٤١۔۔ حضرت عائشہ سے مروی ہے وہ فرماتی ہیں کہ ایک دعا تھی جو حضرت ابوبکر صبح وشام مانگا کرتے تھے ۔ اللھم اجعل خیرعمری آخرہ وخیر عملی خواتمہ وخیر ایامی یوم القاک۔ اے اللہ میری عمرکا بہترین حصہ آخری حصہ بنا، اور میرے اعمال میں عمدہ ترین اعمال خاتمے کے وقت کے بنا، اور میرے لیے بہترین دن وہ دن بناجس میں میری آپ سے ملاقات ہو۔
حضرت ابوبکر (رض) سے کسی نے کہا، اے ابوبکر آپ یہ دعا مانگتے ہیں جبکہ رسول اللہ کے ساتھ اور ثانی اثنین فی الغار، ہیں حضرت ابوبکر نے فرمایا آدمی بسا اوقات زمانہ بھر اہل جنت کے عمل کرتا رہتا ہے لیکن اس کا خاتمہ اہل جہنم کے عمل پر ہوجاتا ہے اور بسا اوقات آدمی عرصہ دراز تک اہل جہنم کے عمل کرتا رہتا ہے لیکن اس کا خاتمہ اہل جنت کے عمل پر ہوجاتا ہے۔ رواہ حسین۔