١٥٨٦۔۔ ازمسند ابوہریرہ ۔ ابوہریرہ سے مروی ہے کہ رسول اللہ نے فرمایا کہ آدم وموسی (علیہما السلام) کا مناظرہ ہوا آدم نے موسیٰ (علیہ السلام) سے کہا آپ موسیٰ ہیں جن کو اللہ نے کسی وقت میں تمام مخلوق میں سے منتخب کیا ؟ اور اپنے پیغامات کے ساتھ تمہیں مبعوث کیا ؟ پھر تم نے کیا جو کیا یعنی ایک جان کو قتل کرڈالا پھر موسی نے آدم (علیہ السلام) سے کہا آپ وہی ہیں ناں کہ اللہ نے آپ کو اپنے دست قدرت سے پیدا کیا ؟ اور پھر آپ کو مسجود ملائکہ بنایا پھر اپنی جنت میں آپ کو سکونت بخشی ؟ پھر آپ نے کیا جو کیا ؟ اگر آپ وہ نہ کرتے تو آپ کی ذریت بھی جنت میں داخل ہوجاتی ؟ آدم نے موسیٰ کو فرمایا کیا تم مجھے ایسی بات پر ملامت کرتے ہو جس کا وقع میری تخلیق ہی سے قبل مقدر میں ہوچکا تھا ؟ آپ نے تین بار فرمایا پس آدم موسیٰ پر غالب آگئے۔ ابن شاھین۔ فی الافراد۔
مولف (رح) فرماتے ہیں کہ یہ واحد روایت ایسی ہے جس میں حضرت آدم اولاحضرت موسیٰ پر قتل کا الزام وارد کرتے ہیں۔ ابن عساکر۔