١٦١١۔۔ جہجاۃ الغفاری سے مروی ہے کہ میں اپنی قوم کے چند لوگوں کے ساتھ جو اسلام لانا چاہتے تھے آپ کی خدمت میں حاضر ہوا پھر مغرب کی نماز میں آپ کے ساتھ شریک ہوا پھر جب آپ نے نماز سے سلام پھیرا تو فرمایا کہ ہر شخص اپنے ساتھ بیٹھنے والے کا ہاتھ تھامنے کا مقصد تھا کہ اپنے اپنے ساتھ ایک ایک مہمان یا مستحق شخص لے جائے اور اس کی خاطر مدارت کرے۔ تومسجد میں میرے اور سولا للہ کے سوا کوئی باقی نہ رہا، میں چونکہ بہت طویل قدوقامت والا تھا میرے سامنے کوئی نہ آیا۔ پھر رسول اللہ میرا ہاتھ پکڑ کر اپنے گھر لے گئے میرے لیے بکری کا دودھ دوہاتو میں اس کو پی گیا حتی کہ آپ نے سات مرتبہ دوہا میں سب پی گیا، چونکہ اس میں حضور کا بھی حصہ تھا تو آپ کی باندی ام ایمن بولی : اللہ بھوکا ہی رکھے اسے جس نے آج رسول اللہ کو بھوکا رکھا۔ آپ نے اس کو فرمایا رکو رکو ام ایمن اس نے اپنا ہی رزق کھایا ہے اور ہمارا رزق اللہ کے ذمہ ہے۔ پھر صبح ہوئی تو آپ اور آپ کے اصحاب جمع ہوئے تو کوئی آدمی بیان کرنے لگا کہ اس کی کیا خاطر تواضع ہوئی میں نے بھی کہا کہ آپ نے میرے لیے سات مرتبہ دود دوہا اور میں سب پی گیا، اور ایک ہانڈی کھانا مزید میرے لیے تیار کیا گیا میں وہ بھی کھا گیا۔ پھر صحابہ نے آپ کے ساتھ مغرب کی نماز ادا کی۔ اور آپ نے پھر فرمایا کہ ہر شخص اپنے ساتھ بیٹھنے والے کا ہاتھ تھام لے تومسجد میں میرے اور رسول اللہ کے سوا کوئی باقی نہ رہا، میں چونکہ بہت طویل قد والا تھا میرے سامنے کوئی نہ آیا پھر رسول اللہ میرا ہاتھ پکڑ کر اپنے گھر لے گئے ۔ میرے لیے بکری کا دودھ دوہا تو میں اس دفعہ اسی کو پی کر سیر ہوگیا ام ایمن بولی یارسول اللہ کیا یہ ہمارا وہی مہمان نہیں ہے فرمایا کیوں نہیں ؟ فرمایا کیوں نہیں، پھر آپ نے فرمایا لیکن بات یہ ہے کہ آج اس رات اس نے مومن کی آنت میں کھایا ہے۔ اور اس سے پہلے کافر کی آنت میں کھاتارہا ہے کافر سات آنتوں میں کھاتا ہے تو مومن ایک آنت میں۔ الکبیر للطبرانی ابونعیم۔