١٦٣١۔۔ میمون بن مہران سے مروی ہے کہ حضرت عمر بن خطاب کے پاس ایک شخص حاضر ہوا اور عرض کیا اے امیرالمومنین ہم نے مدائن شہر فتح کیا تو وہاں مجھے ایک کتاب دریافت ہوئی جس میں بہت عمدہ کلام ہے پوچھا کیا اللہ کا کلام ہے ؟ عرض کیا نہیں تو حضرت عمر نے درہ منگوایا اور اس کو زدوکوب کرنے لگے۔ اور یہ آیت تلاوت فرمائی :
الر تلک آیات الکتاب المبین، اناانزلناہ قرآناعربیا۔۔۔ تا۔۔۔ وان کنت من قبلہ لمن الغافلین۔” الر ، یہ روشن کتاب کی آیات ہیں ہم نے اس قرآن کو عربی میں نازل کیا ہے ۔۔ اور تم اس سے پہلے بےخبر تھے۔ پھر آپ (رض) نے فرمایا تم سے پہلے لوگ اسی وجہ سے ہلاک ہوئے کہ وہ اپنے علماء اور پادریوں کی کتابوں پر اس قدر جھک گئے کہ توراۃ اور انجیل کو چھوڑ بیٹھے حتی کہ وہ دونوں کتابیں مٹ گئیں اور ان کے اندر کا علم بھی چلا گیا۔ نصر۔