١٦٣٧۔۔ کندہ کے ایک شیخ سے مروی ہے کہ ہم حضرت علی کے پاس بیٹھے ہوئے تھے کہ نجران کا ایک پادری آپ (رض) کی خدمت میں حاضر ہوا۔ آپ (رض) نے اس کے لیے جگہ کشادہ فرمادی ۔ اس پر ایک شخص نے عرض کیا اے امیرالمومنین آپ اس نصرانی کے لیے کشادگی فرماتے ہیں ؟ آپ (رض) نے فرمایا ، یہ لوگ جب رسول اللہ کے پاس آتے تھے تو آپ بھی ان کے لیے کشادگی فرماتے تھے۔ پھر حاضرین مجلس میں سے ایک شخص نے اس نصرانی سے پوچھا کہ اے اسقف، اب نصرانیت کتنے فرقوں میں بٹ چکی ہے ؟ اس نے کہا بیشمار فرقوں میں بٹ چکی ہے، جو میرے شمار کرنے سے باہر ہیں۔ حضرت علی نے فرمایا اس سے زیادہ میں جانتاہوں کہ کتنے فرقوں میں نصرانیت بٹ چکی ہے، اگرچہ یہ نصرانی ہے وہ اکہتر فرقوں میں بٹ چکی ہے۔ اور یہودیت بہتر فرقوں میں بٹ چکی ہے اور قسم ہے اس ذات کی جس کے ہاتھ میں میری جان ہے کہ یہ ملت حنیفیہ تہتر فرقوں میں بٹ جائے گی بہتر جہنم میں جائیں گے اور صرف ایک فرقہ جنت میں جائے گا۔ العدنی۔