١٦٧٠۔۔ حضرت ابن مسعود سے مروی ہے کہ ایک مرتبہ رسول اکرم نے مجھے اپنے پیچھے آنے کا فرمایا، توہم دونوں چل پڑے حتی کہ ایک جگہ پہنچے تو رسول اکرم نے ایک خط کھینچا اور مجھے فرمایا اس کے درمیان ہی رہنا، اگر اس سے باہرنکلے تو ہلاک ہوجاؤ گے تو میں اس میں ٹھہر گیا اور آپ چلے گئے۔ یا فرمایا تھوڑی دور گئے۔ پھر آپ نے کچھ لوگوں کے ہیولے دیکھے چکی کی طرح گھومتے ہوئے۔ ان پر کپڑے بھی نہیں تھے لیکن اس کے باوجود ان کی شرمگاہیں بھی نظر نہیں آتی۔ اونچے اونچے قدرآور ہیں۔ جسموں پر معمولی معمولی ساگوشت ہے وہ آئے اور انھوں نے رسول اللہ کو رسوا کرایا اور رسول اللہ ان پر قرآن کی تلاوست فرمانے گلے اور کچھ میرے اردگرد چکرلگانے لگے حتی کہ وہ میری حد سے تجاوز کرنے لگے تو میں ان سے سخت گھبرا گیا اور بیٹھ گیا غالبا آپ نے یہی فرمایا جو کچھ بھی فرمایا پھر جب صبح کی پوپھٹی تو وہ جانے لگے رسول اللہ تشریف لائے آپ تکان سے بوجھل اور تکلیف میں مبتلا تھے شاید انھوں نے آپ کو سوار کرا رکھا تھا سی وجہ سے طبیعت گراں بار ہوگئی تھی ، آکر آپ نے فرمایا میری طبیعت بھاری ہوگئی ہے پھر آپ میری گودو میں سر اقدس رکھ کر استراحت پذیر ہوگئے پھر دوبارہ کچھ ہیولے نمودار ہوئے اب کے ان کے جسموں پر سفید لباس تھے قدرآوار جسموں کے مالک تھے رسول اللہ پر مدہوشی طاری ہوچکی تھی تو اس دفعہ میں پہلے سے زیادہ گھبراہٹ میں مبتلا ہوگیا پھر ان میں سے کسی نے کہا اس نے یعنی آپ نے بھلی چیز عطا کی ہے یہی کہا یاشاید کچھ اور کہا ہے پھر کہا، اس کی آنکھیں سو رہی ہیں یا کہا کہ اس کی آنکھ سو رہی ہے اور دل اس کا بیدار ہے پھر انھوں نے آپس میں کہا آؤ اب اس کی کوئی مثال بیان کریں، ہم مثال بیان کرتے ہیں اور تم اس کی تعبیر بیان کرو، یا تم مثال بیان کرو، اور ہم اس کی تعبیر بیان کرتے ہیں تو بعض نے کہا اس کی مثال ایسی ہے کہ کسی سردار نے قلعہ نما عمارت تعمیر کروائی پھر لوگوں کی طرف کھانے کے لیے دعوت بھیجی سو جس نے اس کی دعوت کو قبول نہ کیا سردارا سے عذاب کرے گا، پھر دوسروں نے اس کی تعبیر کہی کہ سردارتو اللہ رب العالمین ہے اور قلعہ نما عمارت اسلام ہے کھانا جنت ہے اور یہ نبی داعی ہے سو جس نے اس کی اتباع کی وہ جنت میں جنت جائے گ اور جس نے اتباع نہ کی وہ عذاب میں مبتلا ہوگا۔ پھر آپ بیدار ہوگئے اور مجھ سے دریافت کیا اے ام عبدتم نے کیا کچھ دیکھا، عرض کیا ایساماجرا دیکھا تو رسول اللہ نے فرمایا انھوں نے جو کچھ کہا مجھ سے کچھ بھی مخفی نہ رہا، اور آپ نے فرمایا یہ ملائکہ کا ایک گروہ تھا یافرمایاوہ ملائکہ تھے یا جو اللہ چاہے وہی تھے۔ ابن عساکر۔