١٧١٠۔۔ از مسند عبید بن رفاعہ۔ مروی ہے کہ بنی اسرائیل کی ایک عورت پر شیطان کا اثر ہوگیا، شیطان نے اس کے اہل خانہ کے دل میں یہ بات ڈالی کہ اس کا علاج صرف فلاں راہب کے پاس ہے اور راہب صومعہ میں رہتا تھا، اس عورت کے اہل خانہ نے اس راہب سے مسلسل بات چیت کی حتی کہ اس راہب نے عورت کو قبول کرلیا، پھر شیطان اس راہب کے پاس آکروسوسہ اندازی کرنے لگا حتی کہ وہ راہب عورت کے ساتھ غلط کاری میں ملوث ہوگیا اور اس کو حاملہ کردیا، پھر شیطان آکرکہنے لگا کہ اس کے اہل خانہ آئیں گے توتورسوا فضیحت ہوجائے گا لہٰذا ایسا کر کہ اس عورت کو قتل کرکے دفن کردے جب وہ آئیں تو کہہ دینا کہ وہ مرگئی تھی میں نے اس کو دفن کردیا گیا ہے سواسنے ایساہی کیا اور اس کو قتل کرکے دفن کردیا۔ اس کے اہل خانہ آئے تو شیطان نے ان کے دل میں ڈالا کہ اس نے خود قتل کرکے اسے دفن کردیا ہے۔ انھوں نے آکر اس سے یہ سوال کیا اس نے کہا وہ مرگئی تھی میں نے اس کو دفن کردیا ہے۔ شیطان نے اس راہب کو مزید ورغلایا کہ دیکھ میں ہی اس عورت پراثر انداز ہوا تھا اور اس کے اہل خانہ کے دل میں یہ بات ڈالی تھی کہ اس کا علاج صرف تیرے پاس ہے پھر میں نے تجھے وسوسہ میں مبتلا کردیا، کہ اس کا قتل کرکے دفن کردے۔ پھر میں نے ہی اس کے اہل خانہ کے دل میں ڈالا کہ تو نے اس کو خود قتل کرکے دفن کردیا ہے تواب تو میری قوت کا اندازہ کر ہی چکا ہے سو اب اگر تو میری بات مان لے تو میں تجھے نجات دلواسکتا ہوں پس مجھے دوسجدے کردے راہب نے شیطان کو دوسجدے کردیے یہی مطلب ہے اس فرمان باری کا : کمثل الشیطان اذ قال للانسان اکفر فلماکفر قال انی بری منک۔ شیطان کی مثال تو یہ ہے کہ وہ انسان کو کہتا ہے کہ کفر کر جب وہ کفر لیتا ہے تو کہتا ہے کہ میں تجھ سے بری ہوں۔ ابن ابی الدنیا فی مکاندالشیطان ۔ ابن مردویہ، شعب الایمان۔