17373 ابوجعفر محمد بن علی بن الحسین سے مروی ہے کہ ایک مرتبہ حضرت عباس بن عبدالمطلب صاف ستھری اجلی رنگت میں عمدہ جوڑا زیب تن کئے ہوئے تشریف لائے۔ اور آپ کے سر کے بالوں کی دو مینڈھیاں بنی ہوئی تھیں۔ آپ (صلی اللہ علیہ وآلہ وسلم) ان کو دیکھ کر مسکرا اٹھے۔ حضرت عباس (رض) نے پوچھا : یارسول اللہ ! آپ کیوں ہنسے ؟ اللہ آپ کو ہنستا رکھے یارسول اللہ ! آپ (صلی اللہ علیہ وآلہ وسلم) نے ارشاد فرمایا : اے چچا ! مجھے آپ کے جمال اور حسن نے خوش کردیا تھا۔ حضرت عباس (رض) نے پوچھا : آدمی کی خوبصورتی کس میں ہے ؟ ارشاد فرمایا : زبان میں۔ ابن عساکر
کلام : روایت محل کلام ہے : الشذرۃ 329، کشف الخفاء 1075 ۔