17623 ابن عمر (رض) سے مروی ہے کہ رسول اللہ (صلی اللہ علیہ وآلہ وسلم) جب اونٹ پر بیٹھ جاتے سفر پر نکلتے ہوئے تو تین مرتبہ اللہ اکبر کہتے پھر یہ دعا پڑھتے :
سبحان الذی سخرلنا ھذا وما کنا لہ مقرنین وانا الی ربنا لمنقلبون اللھم انا نسالک فی سفرنا ھذا البر والتقویٰ والعمل بما تحب وترضی اللھم ھون علینا السفر واطوعنا بعد ہ، اللھم انت الصاحب فی السفر والخلیفۃ فی الاھل اللھم انی اعوذبک من عثاء السفر وکابۃ المنقلب وسوء المنظر فی الاھل والمال۔
پاک ہے وہ ذات جس نے ہمارے لیے اس (سواری) کو مسخر کیا اور ہم اس کو تابع کرنے کی سکت نہیں رکھنے والے اور ہم اپنے رب کی طرف واپسی لوٹنے والے ہیں۔ اے اللہ ! ہم اس سفر میں نیکی، تقویٰ اور اس عمل کا سوال کرتے ہیں جو تجھے محبوب ہو، جس سے تو راضی ہو۔ اے اللہ ! ہم پر سفر کو آسان کر اور ہم سے دوری کو سمیٹ دے۔ اے اللہ ! تو ہی سفر کا ساتھی اور اہل میں خلیفہ ہے اے اللہ ! میں تیری پناہ مانگتا ہوں سفر کی مشقت سے ، بری واپسی سے اور گھر اور مال میں برے منظر سے۔
اور پھر جب سفر سے واپسی ہوتی تو یہی دعا پڑھتے اور یہ اضافہ فرما دیتے :
آئبون تائبون لربنا حامدون، ہم لوٹنے والے ہیں، توبہ کرنے والے ہیں اور اپنے رب کی حمد کرنے والے ہیں۔ ابن جریر