17779 ۔۔۔ ابن ابی ملیکہ (رح) سے مروی ہے کہ ابن جدعان کے آزاد کردہ غلام ابن صہیب کہتے ہیں کہ لوگوں نے دو گھروں اور ایک حجرے کے بارے میں یہ دعوی کیا کہ یہ رسول اللہ (صلی اللہ علیہ وآلہ وسلم) نے صہیب (رض) کو عطا فرمائے تھے ، مروان (حاکم) نے پوچھا : اس بات پر تمہارے پاس کوئی گواہ ہے ؟ لوگوں نے حضرت ابن عمر (رض) کا نام لیا ۔ مروان نے آپ (رض) کو بلایا ، آپ (رض) نے اسی طرح شہادت دی کہ رسول اللہ (صلی اللہ علیہ وآلہ وسلم) نے یہ دو گھر اور ایک حجرہ صہیب (رض) کو عطا کیا تھا ، چنانچہ مروان نے آپ (رض) کی شہادت پر اس کا فیصلہ کردیا ۔ (منصف عبدالرزاق)