17798 ۔۔۔ خرشۃ بن الحر سے مروی ہے کہ ایک شخص نے سیدنا حضرت عمر ابن خطاب (رض) کے سامنے ایک شہادت پیش کی ۔ سیدنا حضرت عمر ابن خطاب (رض) نے اس شخص کو فرمایا : میں تجھے نہیں جانتا اور یہ بات تیرے لیے کوئی نقصان دہ بھی نہیں ہے کہ میں تجھے نہیں جانتا ، ایسے کسی شخص کو پیش کرو جو تم کو جانتا ہو۔ حاضرین میں سے ایک شخص نے عرض کیا : میں اس شخص کو جانتا ہوں ۔ سیدنا حضرت عمر ابن خطاب (رض) نے اس شخص سے پوچھا تم اس کے متعلق کیا بات جانتے ہو ؟ آدمی نے عرض کیا : یہ صاحب عدل اور صاحب فضل انسان ہے۔ حضرت عمر بن خطاب (رض) نے پوچھا : کیا یہ تمہارا اس قدر قریبی پڑوسی ہے کہ تم اس کی رات اور دن کی مصروفیات اور اس کے آنے اور جانے کو جانتے ہو ؟ عرض کیا نہیں ۔ آپ (رض) نے پوچھا : کیا تم نے اس کے ساتھ درہم و دینار کا کوئی لین دین کیا ہے جس سے اس کا تقوی معلوم ہو ؟ عرض کیا نہیں ۔ پوچھا : کیا اس کے ساتھ کوئی سفر کیا ہے جس سے اس کے عمدہ اخلاق سامنے آئے ہوں ؟ عرض کیا : نہیں تب آپ (رض) نے فرمایا : پھر تم اس کو نہیں جانتے ، پھر آپ (صلی اللہ علیہ وآلہ وسلم) نے شہادت دینے والے کو فرمایا : ایسے شخص کو لاؤ جو تم کو جانتا ہو ۔ (المخلص فی امالیہ ، السنن البیھقی)