17803 ۔۔۔ ایمن بن خریم سے مروی ہے کہ ایک مرتبہ حضور اکرم (صلی اللہ علیہ وآلہ وسلم) خطبہ ارشاد فرمانے کے لیے کھڑے ہوئے اور تین مرتبہ یہ ارشاد فرمایا : اے لوگو ! جھوٹی گواہی اللہ کے ساتھ شرک کرنے کے مترادف ہے۔ پھر آپ (صلی اللہ علیہ وآلہ وسلم) نے یہ آیت تلاوت فرمائی :
(آیت)” فاجنتبوا الرجس من الاوثان واجتنبوا قول الزور “۔ (الحج : 30)
(ترجمہ) سو بچو بتوں کی گندگی سے اور بچو جھوٹ کی بات سے ۔ (مسنداحمد ، ترمذی ، البغوی ، ابن قانع ، ابو نعیم)
کلام : ۔۔۔ امام ترمذی (رح) فرماتے ہیں یہ روایت ضعیف ہے اور ہم ایمن بن خریم کا حضور اکرم (صلی اللہ علیہ وآلہ وسلم) سے سماع ثابت ہونا نہیں جانتے ۔ (کنز ج 7 ص 29)