18047 ۔۔۔ حضور اکرم (صلی اللہ علیہ وآلہ وسلم) نیا چاند دیکھتے یہ دعا فرماتے ھلال خیر ورشد، الحمد للہ الذی ذھب بشھر کذا وجاء بشھر کذا، اسالک من خیر ھذا الشھر ونورہ وبرکتہ وھداہ وطھورہ ومعافاتہ “۔ خیر اور بھلائی کا چاند ہے ، تمام تعریفیں اللہ کے لیے ہیں جس نے فلاں ماہ کو پورا کردیا اور فلاں ماہ کو طلوع کررہا ہے۔ اے اللہ میں تجھ سے سوال کرتا ہوں اس ماہ کی خیر کا ، اس کے نور کا ، اس کی برکت کا اس کی ہدایت کا ، اس کی پاکی کا اور اس کی عافیت کا ۔ (ابن السنی عن عبداللہ بن مطرف)