18138 ۔۔۔ حضور اکرم (صلی اللہ علیہ وآلہ وسلم) کے پاس ایک تلوار تھی جس کا دستہ چاندی کے کام سے آراستہ تھا تلوار کی میان کا نچلا حصہ چاندی کا تھا اور تلوار میں ایک حلقہ بھی چاندی کا تھا اس تلوار کا نام ذوالفقار تھا ۔ حضور (صلی اللہ علیہ وآلہ وسلم) کی ایک کمان تھی جس کا نام ذوالسداد تھا (یعنی سیدھا نشانہ مارنے والی) حضور (صلی اللہ علیہ وآلہ وسلم) کا ایک ترکش تھا جس کا نام ذوالجمع تھا (یعنی تیروں کو جمع کرنے والا) حضور (صلی اللہ علیہ وآلہ وسلم) کی ایک زرہ تھی جو پیتل سے رنگی ہوئی تھی اور اس کا نام ذات الفضول تھا ۔ حضور (صلی اللہ علیہ وآلہ وسلم) کی ایک پرچھی تھی جس کا نام الئبغاء تھا۔ (یعنی سیراب کرنے کا چشمہ) حضور (صلی اللہ علیہ وآلہ وسلم) کی ایک ڈھال تھی جس کا نام الذقن (بمعنی ٹھوڑی) تھا حضور (صلی اللہ علیہ وآلہ وسلم) کا ایک سرح زرد رنگ کا گھوڑا تھا جس کا نام مرتجز تھا ۔ (بمعنی مسلسل ہنہنا کر حملہ کرنے والا) اسی طرح ایک سیاہ رنگ کا گھوڑا تھا جس کا نام سکب تھا (بمعنی پانی کی طرح چلنے والا) حضور (صلی اللہ علیہ وآلہ وسلم) کی ایک زین تھی جس کا نام راح تھا ۔ (بمعنی راحت) حضور (صلی اللہ علیہ وآلہ وسلم) کی ایک مادہ خچر تھی شیرنی کی مانند جس کا نام دلدل تھا (بمعنی بڑی اہم سواری) حضور اکرم (صلی اللہ علیہ وآلہ وسلم) کی ایک اونٹنی تھی جس کا نام قصوی تھا (بمعنی آخری حد تک جانے والی) حضور اکرم (صلی اللہ علیہ وآلہ وسلم) کا ایک گدھا تھا جس کا نام یعفور تھا ، (بمعنی خاکستری رنگ والا) حضور اکرم (صلی اللہ علیہ وآلہ وسلم) کی ایک چٹائی تھی جس کا نام الکز تھا (بمعنی خشک) حضور اکرم (صلی اللہ علیہ وآلہ وسلم) کا ایک نیزہ تھا جس نام نمر تھا (بمعنی غضبناک) حضور اکرم (صلی اللہ علیہ وآلہ وسلم) کا ایک ڈونگہ (برتن) تھا جس کا نام صادر تھا (بمعنی اترنے والا یعنی ہر وقت دستیاب) حضور اکرم (صلی اللہ علیہ وآلہ وسلم) کا ایک آئینہ تھا جس کا نام مدلہ تھا ۔ (بمعنی راستہ دکھانے والا) حضور اکرم (صلی اللہ علیہ وآلہ وسلم) کی ایک قینچی تھی جس کا نام جامع تھا اور حضور اکرم (صلی اللہ علیہ وآلہ وسلم) کی کمان والی لکڑی کی ایک چھڑی تھی ، جس کا نام ممشوق تھا (بمعنی پتلی لمبی شاخ) ۔ (الکبیر للطبرانی عن ابن عباس (رض))