18154 ۔۔۔ حضور اکرم (صلی اللہ علیہ وآلہ وسلم) جب کسی غزوہ حج یا عمرہ سے واپس تشریف لاتے تو ہر بلند جگہ پر تین تکبیریں کہتے پھر فرما ” لاالہ الا اللہ وحدہ لا شریک لہ لہ الملک ولہ الحمد وھو علی کل شیء قدیر آئبون تائبون عابدون ساجدون ، لربنا حامدون ، صدق اللہ وحدہ ونصر عبدہ وھزم الاحزاب وحدہ “ اللہ کے سوا کوئی معبود نہیں ، وہ تنہا ہے اس کا کوئی شریک نہیں ، اسی کے لیے ساری بادشاہی ہے اور اسی کے لیے تمام تعریفیں ہیں اور وہ ہر چیز پر قادر ہے ، ہم لوٹنے والے ہیں ، توبہ کرنے والے ہیں ، عبادت کرنے والے ہیں ، سجدہ کرنے والے ہیں ، اپنے رب کی حمد و بڑائی بیان کرنے والے ہیں ، بیشک اللہ نے اپنا وعدہ سچا کر دکھایا اور اپنے بندے کی مدد کی اور تمام لشکروں کو تنہا شکست دی ۔ (مؤطا امام مالک ، مسند احمد ، بخاری ، مسلم ، ابوداؤد ، نسائی عن ابن عمرو (رض))