18301 ۔۔۔ حضور اکرم (صلی اللہ علیہ وآلہ وسلم) آئینہ دیکھتے تو یہ دعا پڑھ ” الحمد للہ الذی حسن خلقی وخلقی وزان منی ماشان من غیری “۔ تمام تعریفیں اللہ کے لیے ہیں جس نے میری تخلیق اچھی کی اور میرے اخلاق اچھے بنائے اور اوروں کی جو چیزیں عیب دار بنائیں وہ میرے لیے زینت دار حسین و جمیل بنائیں ۔ حضور اکرم (صلی اللہ علیہ وآلہ وسلم) جب سرمہ لگاتے تو دو دو سلائیاں دونوں آنکھوں میں لگاتے اور ایک ایک سلائی دونوں آنکھوں میں لگاتے ۔ حضور اکرم (صلی اللہ علیہ وآلہ وسلم) جب جوتا پہنتے تھے تو پہلے دائیں پاؤں میں پہنتے تھے ۔ اور جب جوتے نکالتے تو پہلے بایاں جوتا نکالتے ، جب مسجد میں داخل ہوتے تو پہلے اپنا دایاں پاؤں مسجد میں داخل کرتے اور ہر چیز کے دینے لینے میں (دایاں ہاتھ اور) دائیں طرف کو پسند کرتے تھے ۔ (مسند ابی یعلی ، الکبیر للطبرانی ، عن ابن عباس (رض))